Мэдээлэл

/2016 оны 09 дүгээр сарын 16-наас 23-ныг хүртэл/

     Мэдээлэл үйлчилгээний талаар:

  • Өнгөрсөн 7 хоногт олон улсын-148, орон нутгийн-114 нислэгт цаг агаарын мэдээ, мэдээллээр үйлчилсэн. Улаанбаатарын богино хугацааны урьдчилсан мэдээ 36, урт хугацааны урьдчилсан мэдээ-28, бодит мэдээ-308, Ханбумбатын урьдчилсан мэдээ-25, Овоот-2, бусад урьдчилсан мэдээ-7, чиглэлийн урьдчилсан мэдээ-51, районы мэдээ-36, угталтын мэдээ-22, хөөрөлтийн урьдчилсан мэдээ-34, аэродромын -14, SIGMET мэдээ-5, өндрийн салхины мэдээ-56 зохиож, нислэгт үйлчилсэн. “Чингис хаан” олон улсын нисэх буудал орчимд цаг агаараас шалтгаалсан нислэгийн саатал 2 гарч, зүүн өмнийн салхитайгаас хүлээсэн.Буянт-Ухаа орчимд аадар бороо 17,19,20,23-нд орж Хур тунадасны нийлбэр 6,3мм, дуу цахилгаан 20-нд тус тус ажиглагдсан. Агаарын хамгийн бага температур 16-нд -1,2˚С, хамгийн их температур 20-нд 21,8˚С хүрсэн.
  • Цаг уур орчны шинжилгээний газрын цаг уурын автомат станц, цахим технологи хариуцсан мэргэжилтэн Д.Уламбаяр AWS-310 автомат станцынтемператур, чийгийн мэдрүүрийг сольж суурилуулан 22-ны өдрөөс доголдолгүй хэвийн ажиллаж эхэлсэн. 
  • НТОЗШША-ны шинжээч Баатаржавт “Чингис хаан” болон Нарита нисэх буудлын 9 дүгээр сарын 10,14,18-ны өдрүүдийн METAR, TAF мэдээг түүвэрлэн цахимаар хүргүүлсэн.

    Удирдлага, зохион байгуулалтын талаар:

  • Цаг уур, орчны шинжилгээний газрын даргын 2016 оны А/88 дугаар тушаалаар Нислэгийн цаг уурын төвийн үйл ажиллагааны үндсэн чиглэл, дүрэм, зохион байгуулалтын бүтцийг шинэчлэн баталлаа. Шинэчилсэн бүтцээр: 

-       Захиргаа, дотоод хяналт, чанарын хэлтэс /10/

-       Мэдээлэл, үйлчилгээний хэлтэс /16/

-       Буянт-Ухаа нислэгийн цаг уурын өртөө /11/

-       Морин-Уул локатор, цаг уурын станц /9/ 

-   Дээрх зохион байгуулалтын бүтцийн хүрээнд ажлын байрны тодорхойлолт, Хөдөлмөрийн дотоод журамд өөрчлөлт оруулж, ирэх 10 дугаар сарын 01-ний өдрөөс мөрдөгдөж эхэлнэ.

  • Дотоод хяналтын байцаагч П.Сэржмядаг, Мэдээлэл үйлчилгээний хэлтсийн ахлах синоптик Б.Батцэцэг нар МУБИС-ийн Боловсрол судлалын сургуульд 2016 оны 09 дүгээр сарын 15-наас 21-ний өдрүүдэд “Заах арга зүйн анхан шатны сургалт”-д хамрагдаж эрхийн гэрчилгээ авлаа.  
  • HIMAWARI-8 хиймэл дагуулын мэдээ хүлээн авах, антенн суурилуулах ажлаар Япон улсын “Oriental electronics” компанийн мэргэжилтнүүд ирэх сараас тус төвд ажиллана.  

 

2016 оны 9 дүгээр сарын 26-наас 10 дугаар сарын 3-ныг хүртэлх

7 хоногийн цаг агаарын урьдчилсан мэдээ

 

\ Хугацааны дунд үе болон эцсээр бороо хур тунадас орж хүйтэн байна \

Баруун аймгуудын нутгаар: 27,1-2-нд зарим газраар, 29-нд нутгийн хойд хэсгээр бороо хур тунадас, уулархаг нутгаар нойтон цас орно. Салхи 27,2-нд нутгийн өмнөд хэсгээр, 29-1-нд зарим газраар 16-18м/с хүрч шороон шуурга шуурна. 29-30-нд бага зэрэг дулаарна. Бусад хугацаанд Алтай, Хангайн уулархаг нутгаар шөнөдөө 4-9 градус хүйтэн, өдөртөө 5-10 градус, Алтайн өвөр говиор шөнөдөө 5-10 градус, өдөртөө 15-20 градус, бусад нутгаар шөнөдөө 1 градус дулаанаас 4 градус хүйтэн, өдөртөө 8-13 градус дулаан байна.

Төвийн аймгуудын нутгаар: 26,29,2-нд нутгийн зүүн хэсгээр, 28,1-нд зарим газраар, 30-нд нутгийн  хойд хэсгээр бороо хур тунадас орно. Салхи 28,30-2нд зарим газраар 14-16м/с хүрч ширүүснэ. 27-30-нд Хангай, Хөвсгөл, Хэнтийн уулархаг нутгаар шөнөдөө 3 градус дулаанаас 2 градус хүйтэн өдөртөө 8-13 градус дулаан, бусад нутгаар шөнөдөө 0-5 градус өдөртөө 12-17 градус дулаан байна. 1-2-нд уулархаг нутгаар шөнөдөө 2-7 градус хүйтэн өдөртөө 2-7 градус дулаан, бусад нутгаар шөнөдөө 2 градус дулаанаас 3 градус хүйтэн өдөртөө 6-11 градус дулаан байна.

Зүүн аймгуудын нутгаар: 26-нд ихэнх нутгаар, 28,1-нд нутгийн баруун хэсгээр, 29-30-нд нутгийн хойд хэсгээр, 2-нд зарим газраар бороо хур тунадас уулархаг нутгаар нойтон цас орно. Салхи зарим газраар 14-16 м/с хүрч шрүүснэ. 28-30-нд нутгийн хойд хэсгээр шөнөдөө 2 градус дулаанаас 3 градус хүйтэн, өдөртөө 8-13 градус дулаан, бусад нутгаар шөнөдөө 3-8 градус, өдөртөө 13-18 градус дулаан байна. Бусад хугацаанд хүйтэрч нутгийн хойд хэсгээр шөнөдөө 1-6 градус хүйтэн өдөртөө 4-9 градус дулаан, бусад нутгаар шөнөдөө 3 градус дулаанаас 2 градус хүйтэн, өдөртөө 7-12 градус дулаан байна.  

Говийн аймгуудын нутгаар: 26-нд нутгийн зүүн хэсгээр, 28,1-нд нутгийн хойд хэсгээр, 2-нд зарим газраар бороо хур тунадас орно. Салхи 30-2-нд зарим газраар 16-18 м/с хүрч шороогоор шуурна. 28-1-нд Өмнөговийн нутгаар шөнөдөө 9-14 градус өдөртөө 19-24 градус, бусад нутгаар шөнөдөө 5-10 градус өдөртөө 14-19 градус дулаан байна. Бусад хугацаанд хүйтэрнэ нутгийн хойд хэсгээр шөнөдөө 3 градус дулаанаас 2 градус хүйтэн өдөртөө 6-11 градус дулаан, бусад нутгаар шөнөдөө 3-8 градус өдөртөө 11-16 градус дулаан байна. 

 

Буянт-Ухаа орчмын 2016 оны 09 дүгээр сарын 26-наас 10 сарын 03-ныг

хүртэлх цаг агаарын урьдчилсан төлөв

 

Үзэгдэл:  28-нд үүлэрхэг бага зэргийн хур тунадастай,02, 03-нд үүлэрхэг хур тунадас орно.

Салхи :01-нд баруун хойноос 5-8м/с, 02, 03-нд баруун хойноос 6-9м/с, Бусад хугацаанд баруунаас 3-6м/с.

Температур :  өдөртөө 9-12 градус дулаан, шөнөдөө 01-03 градус дулаан.02-ноос хүйтэрч өдөртөө 03-05 градус дулаан, шөнөдөө 03-05градус хүйтэн байна.

Нислэгт аюултай цаг агаарын үзэгдэл: 26, 27,29-нд нутгийн зүүн хагаст, 30-наас нийт нутгаар дунд хүчтэй сэгсрэлт ажиглагдана. 28-нд баруун болон төвийн нутгаар, 02-нд нутгийн хойд хэсгээр, 03-нд нутгийн зүүн хагаст үүлэнд болон хур тунадасны бүсэд дунд хүчтэй мөстөлт ажиглагдана

 

НИСЛЭГИЙН ЦАГ УУРЫН ТӨВ

Мэдээлэл Үйлчилгээний Хэлтэс

2016.09.26

 

Cургалт, судалгааны талаар:

Дэлхийн цаг уурын байгууллага Япон улсын цаг уурын байгууллагын хамтран хэрэгжүүлж буй төслийн хүрээнд тус төвийн Мэдээлэл үйлчилгээний хэлтсийн дарга Б.Болормаа, ахлах синоптик Л.Одгариг нар 2016 оны 09 дүгээр сарын 12-15-ны өдрүүдэд HimawariCast хиймэл дагуулын мэдээлэл хүлээн авах, боловсруулах системийн суурилуулалт, синоптикийн боловсруулалт, программ хангамжийн талаар уг системийн ханган нийлүүлэгч Ориентал электроникс /Oriental electronics/ компанидсургалт дадлагад хамрагдаад ирлээ.

Himawari-8 цаг уурын байран хиймэл дагуулын онцлог болон давуу тал нь далай тэнгис, элсэн цөл, уулархаг бүс нутгийн агаар мандлын үзэгдлийг орон зайн өндөр нарийвчлалтайгаар, цаг хугацааны богино давтамжтайгаар хянаж шинжлэн судлах боломжтой бөгөөд цаг агаарын урьдчилсан мэдээний чанар, таарц сайжрах, хэрэглэгчдэд багц зураглалыг дамжуулах, нислэгийн цаг уурын үйлчилгээнд ахиц дэвшилт гарах юм.

Уг сургалтад Монгол улсаас гадна Тонга, Непал, Бүгд найрамдах Крибати зэрэг улсаас цаг уурын мэргэжилтнүүд хамрагдсан.

 

2016.09.19-1

Бусад ажил

Байгалийн болон машин техникийн хүчин зүйлээс шалтгаалан ихээхэн эвдэрч гэмтээд байсан Морин-Уул радар, цаг уурын станцын 1.5км гаруй замыг тус төвийн албан хаагчид өөрсдийн хүч боломжоо ашиглан заслаа. Энэ ажил нь нэг талаас хөдөлмөр аюулгүй ажиллагааг хангасан, нөгөө талаас төсөв зардал хэмнэсэн үр дүнтэй ажил боллоо.

2016.09.19-3

2016.09.19-2

Нэмэлт мэдээлэл